مايو 23, 2011
نوفمبر 5, 2010
ميته بينه
شواطي العشك جفت ميته بينه
ونهر شوكك مخلصه ميته بينه
عطش گلبك وراجع مي تبينه
نسيت اسدودك الصارن عليه !
مايو 8, 2010
نسيان
عن بالي انت مشيت سديت انا الباب
هيهات افكر بيك حسبالي حباب
لتظن يحن عليك گلبي الجرحته
من دمه هو انطاك والتالي خنته
الكصيبه
طويلة يا عمي الكصيبه
من يمر تحصل مصيبه
گلبي ذايب حيل ذايب
بالحلو اغلى الحبايب
روحي من دونه غريبه
طويله يا عمي الكصيبه
كل جرح يشفه من اشوفه
حرز سويت بحروفه
انا اليوم بطوله ناطر
من يغيب بحلمي حاضر
اموت لو طالت الغيبه
طويله يا عمي الكصيبه
يله عمي امشينه نسعه
شيوخ ناخذ لهله تسعه
هي عيني وهي دمي
انه رايدها يا عمي
زوجتي تصير الحبيبه
طويله يا عمي الكصيبه
ديسمبر 11, 2009
بسماي
كريم وكل معاني الطيب بسماي
وحريمة الحزن غيمه دوم بسماي
بنظر عيني بعد ما اشوف بس ماي
جزيرة انا ويحيط الدمع بيه
نوفمبر 14, 2009
اني مو شاعر
اني مو شاعر
ولا اريدن اصير
اني هاوي وبالجرح اقره شعر
وانا همي
من اريد احجي عليه
ينكتب اوزان ما ينزل نثر
أكتوبر 28, 2009
نهدلك
جمالك زيج ما نكدر نهدلك
تريد حروب صدكنا نهد لك
عندك شفة محبوبي ونهد لك
يشب الكون لو صارن بديه
فزع لك
ميت گلبي من شافك فزع لك
ونايم بالحزن عمري فز عليك
ازعل الناس وما تزعل فزعلك
حجر سجيل شتظن يبقى بيه؟
أكتوبر 27, 2009
سبتمبر 8, 2009
ما علينه
الترف بوسة على خده ماع علينه
وجاب الناس وصحنه ما علينه
صعدنه احنا وصعدنه وما علينه
وهو بالكاع وكض بيده الثريه
سبتمبر 5, 2009
ابوذية ونزيت
خفت من صاحو باسمك ونزيت
كمشتك حيل بجفوفي ونزيت
حطتني بنار هجرانك وانا الزيت
وغديت ارماد عم هجرك عليه
سبتمبر 4, 2009
ونزيت
خفت من صاحو باسمك ونزيت
كمشتك حيل بجفوفي ونزيت
حطتني بنار هجرانك وانا الزيت
وغديت ارماد عم هجرك عليه
اغسطس 31, 2009
عطرت خدي
يبو عيون الوسيعه اللابس الوردي
هدية الروح هاي اقبلها من عندي
عطور وما اخلي شلي بيها اليوم
لان شفتك حبيبي عطرت خدي
اغسطس 30, 2009
وداعا
سأمضي مسافرا بلا عودة
الى بلاد لا تعرف الحزن والالم
سأمضي كالطير ابحث عن الملاذ الامن
كل يوم في مكان
باحثا عن الامان
في مخيلتي رقعة ارض دافئة فيها كل ما اريد
ارض خضراء تنمو فيها الزهور كل يوم
والاشجار تفتخر بثمارها الوفير
وبالقرب منها نهر صافي ارى في داخله الاسماك
والسماء زرقاء مع القليل من الغيوم البيضاء
والطيور تتجاذب فيما بينها وتلفت انتباه الاخرين
والهواء بارد كالنسيم
والاهم بقربي ناس بسطاء يعيشون حياتهم من غير تكلف يعيشونها مبتسمين حتى في اصعب اللحظات
هناك حيث اجد راحتي
فانا لا اريد سوى الهدوء الذي ينمي خيالي الواسع
سأمضي كالفاقد روحه باحثا عن ذلك المكان
فلعلني اجده في يوم ما
هذا ما اتمناه فهل هو مستحيل؟؟
اغسطس 22, 2009
هلاك
نص غنائي
انت من جوه هلاك
ومن بره صاير ملاك
كلبي ابتله بطعناتك
هسه اعرفت معناتك
غدار مالك امان
اظن يولفي نسيت
يم بابي شكد بجيت
بيدي امسحت دمعاتك
واغفرت كل غلطاتك
يا روحي والله زمان
روح وبعد لا تجي
مااريد اسمع حجي
يا حجي وحبك طفه
وفززت كلبي الغفه
ظنيت كلك حنان
يم بابي شكد بجيت
بيدي امسحت دمعاتك
واغفرت كل غلطاتك
يا روحي والله زمان
مااريد اسمع حجي
يا حجي وحبك طفه
وفززت كلبي الغفه
ظنيت كلك حنان
اغسطس 16, 2009
جمالك
نص غنائي
جمالك
احبك مو بديه انت ساحرني
اخرس من جمالك صافن يغني
انت الساكن الروح
عطرك جنه ويفوح
لكلبك راح كلبي يمشي متعني
شعرك لو نزل ايغار منه الليل
وخدوك شمس الكمر صاح الويل
بحنانك محد ينقاس
بوصفك عجزت الناس
ابابك كل انوثه وكفت تحني
رمشك سهم يذبح ما يهاب الكون
وعيونك وسيعه تعثر اليمشون
عسل شفتك يمحبوب
روحي بروحك تذوب
خليني بغرامك حيل متهني
وخدوك شمس الكمر صاح الويل
بحنانك محد ينقاس
بوصفك عجزت الناس
ابابك كل انوثه وكفت تحني
وعيونك وسيعه تعثر اليمشون
عسل شفتك يمحبوب
روحي بروحك تذوب
خليني بغرامك حيل متهني
اغسطس 10, 2009
صلو
تيزاب دمعي نزل چوالي كل الخد
ركضت عليه هموم تمطر بلا حد
سيل الدمع لو نزل روج ويعاند روج
والموت من اقترب وياه حفنة فوج
بالكوة اخذها ومشه من طالب التسليم
جي روحي قمة جبل تتلاعب وي الغيم
يا وسفه هذا الحصل حظي ردي وياي
بيتي على نهر الفرح وعندي شحيح الماي
يا ربي مره الي لبي دعاء وطلب
الموت عجله الي يا ربي اشعل حطب
جسمي ارشه بنفط وممنون اذبه الك
حركه على كيفك بعد طشره على طول الفلك
وانهي عذابي الاخذ كل عمري وسنينه
انكسر حال الصخر وصبت دمع عينه
من شاف قصتي الصفت للناس سالوفه
شماته ركضت اجت من طحت ملهوفه
طعنات ابكل كتر نيشانهم خلو
ومن متت فوك الجسم نحبو علي صلو
اغسطس 7, 2009
تسليت
يا دهري شمالك بجرحي تسليت
اضحكت وشورت بيك وتسليت
انا عيوني بجت مره تسل ليت
الفرح يسهو ويمر ضيف بمسيه
يوليو 22, 2009
شفت الجنة
يانسمة هوى وهبت علينا اليوم
من كثر البرد تموزنه اتدفه
يالكلك عسل والخلك حاير بيك
ورود اشكال طكت من على الشفه
ظميتك انا وماردت اسولف بيك
بس حسنك فضيحة يسكت الزفه
تولعنا بغرامك يا نبع ريحان
مريض الكلب بيكم مااظن يشفه
لبتهوفن حجو عنك يرق مخلوق
مخيلته لجمالك صارت بعزفه
شفت الجنة كلها بلحظه انا وياك
لان بستك حبيبي وحصلت رشفه
يوليو 7, 2009
يوليو 5, 2009
وانا المن
انا السلوى لشفايفهم وانا المن
الي منهو بعد حبهم وانا لمن
يسألوني على كليبي ون المن
ون على الجان ولفي وخان بيه
يونيو 16, 2009
يونيو 13, 2009
مايو 26, 2009
سائل
صلب كلبي بجفاكم صار سائل
رحت انشد عليك اليوم سائل
امد الايد مــدة ايد ســائـــــل
شيصير ولو تمد ايدك اليه
مايو 22, 2009
وسعفه
گوم الحگ على گليبي وسعفه
مثل عود احترگ عمري وسعفه
القهر كلما يمر بيه وسع فه (فم)
واكل مني الفرح غصبن عليه
وريده
انا الميت انا المنحز وريده
لان امشي بطريق الحق وريده
اخوي الخله سچينه وره اريده
ذبحني وما اظن شوفته اذيه
مايو 8, 2009
وانتي هدي
انا بروجج سفينه وانتي هدي
انتهى الثار بجمالج وانتهى الدي
اهد ايدج يحلوة وانتي هدي
اذا هدها اهد روحي من اديه
أبريل 28, 2009
وحالك
علي منهو القره براسك وحالك
بسبب اسأل عن اخبارك وحالك
اظن گلبك امس يسمر وحا لك
تعذبني بهجر صبح ومسيه
أبريل 21, 2009
مارس 26, 2009
عندما تنظر الى انثى تحمل كل صفات الجمال فحتما سوف تكتب هذا
انتي احلى من الجمال
انتي اروع من الكون
انتي لوحة رسمها الخالق
عندما احب ان يرسم
انتي دنيا من الحنان لا بداية لها
ولا نهاية
انتي كل شيء
يا همسة حب
تفاجئ بك كل عاشق
وكل حزين
انتي السعادة بأم عينها
ان الصفات لا تستطيع ان توصفك
او تضع حد لجمالك
من اجلك تفتحت الازهار
ومن اجلك هبت النسمات
ومن اجلك اشرقت الشمس
يا اميرة الكون
اعذريني عن هذه الكلمات
التي اعلم انها لو بقيت تُكتب لملاين السنين
لا توفي جزء منك
يا ملكة الاحساس والطيبة والرومانسية ….
المخلص الوفي الذي لا ينساك
زيد
مارس 10, 2009
مو ذنبك يا عراق
شنو ذنب الوطن خان الوكت بيه
يوسف صار والجيران اخوته
يريد الخير دومه يدور عليه
وهم بكل فخر يردون موته
زيد
10-3-2009
مارس 9, 2009
قهر وهموم
راح احچي واسولف بلكي ارتاح
لان الوضع اصبح قهر وهموم
واحد انة من بين الملاين
ماشفت الفرح دگ بابي فد يوم
اسال ليش بينة هذا اليصير
يرجعلي الجواب يكول مقسوم
وصرت احجي ويه روحي بكلب موجوع
ليش انكتبت احنه اعلينة الاهموم
نعيش احنه ابفگر والوادم بخير
وعدنة بگاعنة اكبر كنز مضموم
خلصنة من المضة وكلنة الاجة خير
بس صارت عكس ياصاح الرسوم
دنية اشگد غريبة وبيه اهات
من همهه والمهه الكلب ملچوم
بس العتب مو عا الدنية مقصود
العتب عا الشعب چية ماصفة النفوس
چنة اخوة واكلنة بفرد ماعون
ونذبح صرنة هسة لجل الفلوس
چا وين الاخوة الوصة بيهة الدين
وعباس الكمر جسدهة الدروس
فهموني يجوز اتبدل الدين
لان ياناس صار الحال ميؤس
وصار الي يحب الوطن ارهاب
والدافع عن ارضة بسجن محبوس
اه اصرخ واكلك ياوطن ليش
من الشبعان صاير انتة منفوس
بس صامد تضل باهلك الطيبين
وعلى راس اليضدك تمشي ودوس
2006
زيد
